Hitz Machine hiztegi makina hobetzen lagundu nahi?

Zer da Hitz machine

Donostiako Bagera Euskaltzaleen Elkarteak eta herritar talde batek, DSS2016 ekimenaren baitan, Hirikilabs laborategian sortutako hiztegi-makina da. Donostian hitz egiten diren 51 hizkuntzetako oinarrizko hiztegitxoak inprimatzen dituena. Hiztegitxo horietan alde batean euskarazko hitzak eta esaldi motzak daude, eta beste aldean, norberak aukeratutako hizkuntzaren baliokideak.

Helburua

Helburua, Hitz Machine makina bera hobetzea da. Honez gain, Hirikilabsen oinarriekin bat eginik, pertsonak teknologikoki ahalduntzeko asmoa ere badago. Euskara eta Teknologia proiektu berritzaile batean lotuko dituen talde irekia  sortu nahi da.

Norentzat

Interesa izan dezakeen edozeini zuzendua dago, ezagutza espezifikorik ez duen edo izan dezakeen edonori (elektronika, diseinua, fabrikazio digitala, programazioa, materialak eta eraikuntza, papiroflexia,  hizkuntzak …).

Noiz

Lan saioak asteazkenero 18:00etatik 20:00etara Tabakalerako Hirikilabs laborategian izango dira martxoaren 22tik aurrera. Saioak euskaraz izango dira.

Izen-ematea eta informazioa

Parte hartu nahi baduzu edota informazio gehiago jaso nahi izanez gero idatzi bagera@bagera.eus helbidera edo 943005074 telefonora deitu martxoaren 17a baino lehen.


Hizkuntzen mapa ez kentzeko eskatu du Bagerak

Mapa leku ikusgarri batean egotea nahi dugu

Hizkuntzen sentsibilizazio eta hausnarketa sustatzeko sortu zen Euskarriak proiektuan kaleratu zen lehen euskarria Europako Hizkuntzen Mapa izan zen, 2016ko martxoaren 10ean jarri zen instalazioa Nestor Basterretxea plazan. Bost metro zabal eta lau metro altu dituen egurrezko mapa honek, Europan dauden 91 jatorrizko hizkuntza irudikatzen ditu. Egiatik, hiri erdialderantz pasabidea hartzera doazen herritarrek begien bistan izan dute urte osoan zehar Europako Hizkuntzen aniztasuna.

Jarraitu irakurtzen…


Mural parte hartzailea Altzan

euskarriak logotipoa

EusKarriak Bagera Elkarteak eta Donostia2016 Fundazioak elkarlanean sortutako egitasmoa da. Hizkuntzen inguruko sentsibilizazioa eta hausnarketa eragin nahi du egitasmo honek, eta horretarako, kalean kokatuko diren EUSKARRIAK erabiliko dira.

Dagoeneko 4 euskarri sortu eta kalean ikusgai jarri ditugu (hizkuntzen mapa, hiztegi makina, hiztegitxoak eta Añorgako murala). Oraingoan, kaleko artea erabiliz mural bat egin nahi dugu euskarak Altzan ere arnasa har dezan. Horrekin batera, altzatarren parte hartzea bultzatu nahi dugu.



Top