Ahobizientzako prestaketa saio arinak

Jaso 11 egunetan zehar ahobizi izateko tresna eta aholkuak

Euskaraldia ekimenean herritarren hizkuntza-ohiturak aldatzea dugu xede. Horretarako, ariketa sozial praktiko eta kolektiboa egingo dute izena ematen duten ahobizi eta belarriprest guztiek. Ahobizi direnek euskaraz egingo diete ulertzen duten kide guztiei, 11 egunez, aurrez aurre zein telefono, email edo sare sozialen bidez.

Ariketa honek ez-ohiko egoerak sortuko ditu, tarteka deserosoak ere izan daitezkeenak (elkarrizketa elebidunak, beti erdaraz ezagututako gertuko kidearekin euskaraz egitea, eta abar). Horregatik, azaroaren 23a baino lehen herritarrak prestatzea funtsezkoa izango da, gertatuko diren kasu horietan nola jokatu jakin dezaten. Tresnak emateko, bi bide nagusi landuko ditugu: aholkuak zabaldu, komunikazio euskarrien bidez, eta tailerrak eskaini.

Ahobizientzako prestakuntza tailerra

Helburua:

  1. Ahalik eta herritar gehien prestatzea, praktika berrietan eroso senti daitezen. Batez ere, euskalgintzan eta Euskaraldia batzordeetan murgilduta ez dauden herritarrentzako izango dira tailerrak egokiak.
  2. Borondatezko herritarren sarea trinkotzea, komunitatearen lanaren bidez, eta pertsona horiek eduki eta diskurtsoetan janztea.

Oharra:

Etortzeko asmoa baduzu komeni da izena ematea donostia@euskaraldia.eus helbidean.


Euskaraldirako materiala lortu nahi?

Igo zure bideoa twitterren eta lortu Euskaraldiko materiala

Zergatik hartuko duzu parte Euskaraldian? Zein rol aukeratu duzu? Bi galdera hauei erantzun BIDEO 📲 bidez, eta twitterren #Donostiaeuskaraldia #Nikemandutizena traolekin igotako lehenengo 15 bideoentzat Euskaraldiko materiala opari.

Oharra: twitter konturik ez baduzu bidali bideoa 688676289 telefono zenbakira eta guk igoko dugu!



Top